Қытайлық GAC брендінің автокөліктерін Қазақстандағы ресми дистрибуциялау енді еліміздің жетекші автомобиль компанияларының бірі — Allur құрамында дамитын болады. Тараптар стратегиялық келісімге 2026 жылдың ақпан айында Гуанчжоу қаласында қол қойған болатын. Ал 2026 жылдың маусымында «СарыарқаАвтоПром» зауытында (Allur құрамына кіреді) өнеркәсіптік құрастыру іске қосылғаннан кейін дистрибуциялық функцияларды беру брендті ел ішінде толық басқару тізбегін қалыптастыру жолындағы заңды қадамға айналды — өндірістен бастап дилерлік орталықтарға дейін. Қазақстанның автомобиль өнеркәсібіндегі ең ірі компания — Allur (жылдық өндірістік қуаты 125 000-нан астам автокөлік) GAC брендінің дилерлік желісі мен маркетингтік инфрақұрылымын дамытуға жауапты болады. Серіктестік аясында брендтің толық модельдік қатары, оның ішінде гибридті және электрлі автокөліктер өндірісін жолға қою жоспарланып отыр. Бұл GAC-тың жаһандық технологияларын (Toyota және Honda компанияларымен 25 жылдық серіктестік, AISIN, Bosch және Denso компоненттері) Allur-дың жергілікті нарықтағы тәжірибесімен және сервистік қолдауымен ұштастыруға мүмкіндік береді. Дистрибуцияның Allur құрамына өтуі нәтижесінде қазақстандық тұтынушылар C-NCAP краш-тесттерімен расталған технологиялық әрі қауіпсіз автокөліктермен қатар, еліміздегі ең ірі автодистрибьютордың дамыған сервистік қолдауына қол жеткізеді. Жыл соңына дейін GAC пен Allur серіктестігі аясында брендтің Қазақстандағы қатысу ауқымы едәуір кеңейіп, жаңа өңірлерді қамтитын болады.